Ад рамантычных часоў ВКЛ і да суровых гадоў Вялікай Айчыннай вайны прайшлі старшакласнікі раёна – ўдзельнікі раённай інтэлектуальна-пазнавальнай гульні “Крокі ў гісторыю малой радзімы”.

У суботу, 20 сакавіка, адбыўся 2-гі тур гульні: удзельнікамі былі пройдзены 3 і 4 крокі ў гісторыю Драгічыншчыны першай паловы 20 стагоддзя.

Арганізатары ставілі сваёй мэтай зацікавіць сучасных падлеткаў падзеямі былых часоў, што адбываліся на нашай бацькаўшчыне, разнастайнасцю памкненняў і задач, якія стаялі перад суайчыннікамі ў былыя часы, – і не толькі ў гады ваеннага ліхалецця, але і ў часы станаўлення і развіцця краю, і ,па словах педагогаў – кіраўнікоў каманд, зацікаўленасць адбылася.

Па выніках двух тураў і дадатковых заданняў найбольшую колькасць балаў набралі адразу дзве каманды: Навапапінскай сярэдняй школы і СШ №2 г. Драгічына. Каб вызначыць пераможцу, арганізатары ўлічылі час, на працягу якога бланкі з адказамі былі адпраўлены (гульня праходзіла ў дыстанцыйным фармаце), – у выніку, 1-е месца па праву ў каманды Навапапінскай СШ, на другім – каманда СШ №2. Трэцяе ж паміж сабой падзялілі каманды Немяржанскай д/с-СШ і Асіпавічскай д/с-СШ.

У наступным навучальным годзе плануецца прадоўжыць віртуальнае падарожжа ў гісторыю малой радзімы.

  Сводная таблица результатов 2-го тура по игре “Шаги в историю малой родины”

  Итоговая таблица по игре “Шаги в историю малой родины”